Deewar Pe Rakha Howa Mitti Ka Diya Main,

Type By,

*.__SAJJAD__.*

Deewar Pe Rakha Howa Mitti Ka Diya Main,

Sab Kuch Kaha Aur Raat Se Kuch Bhi Na Kaha Main,

Kuch Aur Bhi Maskan They Tere Dil K Ilaawa,

Lagta Hai Kahin Aur Bhi Mismaar Howa Main,

Is Dukh Ko To Main Theek Bata Bhi Nahin Pata,

Main Khud Ko Muyassar Tha Magar Mil Na Saka Main,

Jaaga Hoon Magar Khwab Ki Wehshat Nahin Jati,

Kya Dekhta Hoon Yaar Tujhe Bhool Gaya Main,

Palta Hoon To Yaadon Pe Bohot Gard Pari Thi,

Shayad Koi Darwaza Khula Chor Gaya Main,

Suraj K Ufaq Hote Hain Manzil Nahin Hoti,

So Dhalta Raha Jalta Raha Chalta Raha Main,

Ek Ishq Qabeela Meri Mitti Main Chupa Tha,

Ek Shakhs Tha Lekin Koi Ek Shakhs Na Tha Main,

Ek Ghoont Ki Voqat Mere Pindaar Se Kam Hai,

Iss Baat Se Waqif Mera Mashkeeza Hai Ya Main,

Ek Jism Main Rehte Howe Hum Door Bohot They,

Aankhain Na Khulin Mujh Pe Na Aankhon Pe Khula Main,

Kuch Aur Bhi Darkaar Tha Sab Kuch K Ilawa,

Kya Hoga Jise Dhoondta Tha Tere Siwa Main,