Abhi To Ishq Main Aisa Bhi Hall Hona Hai,

Poet _ Wasi Shah,

Type By,

*.__SAJJAD__.*

Abhi To Ishq Main Aisa Bhi Hall Hona Hai,

K Ashk Rookna Tum Se Mahaal Hona Hai,

Har Ek Lab Pe Hai Meri Wafa K Afsane,

Tere Sitam Ko Abhi Lazawal Hona Hai,

Baja K Khaar Hai Lekin Bahaar Ki Rut Main,

Yeh Teh Hai Ab K Humain Bhi Nihal Hona Hai,

Tumhain Khabar Nahin Tum To Loat Jaoge,

Tumhare Hijar Main Lamha Bhi Saal Hona Hai,

Humari Rukh Pe Jab Bhi Azab Utrenge,

Tumhari Yaad Ko Is Dil Ki Dhaal Hona Hai,

Kabi To Roye Ga Woh Bhi Kisi Ki Bahon Main,

Kabi To Oski Hansi Ko Bhi Zawal Hona Hai,

Milaingi Hum Ko Bhi Apne Naseeb Ki Khushyan,

Bus Intezar Hai Kab Yeh Kamal Hona Hai,

Har Ek Shakhs Chalega Humari Rahon Par,

Muhabbaton Main Humain Woh Misaal Hona Hai,

Zamana Jis K Khum_o_Pach Main Ulajh Jaye,

Humari Zaat Ko Aisa Sawal Hona Hai.

Wasi Yaqeen Hai Mujh Ko Woh Loat Aaye Ga ,

Osey Bhi Apne Kiye Ka Malal Hona Hai,